Xalq artisti Nisə Qasımova bir aylıq Prezident Təqaüdünü Türkiyədə baş verən mədəm faciəsi ilə əlaqədar Azərbaycan Qızıl Aypara Cəmiyyətinin yardım fonduna bağışlamasından sonra daha bir müğənni – Əlikram Bayramov da bu kampaniyaya qoşulmaq qərarını verib.
AZXEBER.COM-a açıqlama verən müğənni, Somaya yardım etmək niyyətində olduğunu deyib:
“Mən hər zaman Qarabağ Qazilərinə yardım etmişəm. Bu gün də bu humanitar işlə məşğulam. İnşallah qismət olsa, Somaya da yardım edərəm. Gərək müğənni həmkarlarım da bir araya yığışıb yardım göndərək. Tək yardım göndərməyin elə də bir mahiyyəti yoxdur. Məncə məbləğ nə qədər çox olsa, o zaman nəsə bir şey ortaya çıxarda bilərik”.
Qeyd edək ki, Türkiyədə baş verən mədəm faciəsi ilə əlaqədar Azərbaycan Qızıl Aypara Cəmiyyəti tərəfindən yardım kampaniyasına başlanıb. Kampaniya çərçivəsində 6157 AZN (7847 USD) məbləğində vəsait yığılıb. Kampaniyada iştirak etmək istəyən şəxslər 493-84-81 nömrəsi ilə əlaqə saxlaya bilərlər.
