Əlillərə kommunal ödənişlərdə güzəştlər ola bilərmi? - RƏSMİ AÇIQLAMA

Əlillərə kommunal ödənişlərdə güzəştlər ola bilərmi? - RƏSMİ AÇIQLAMA
SOSİAL
17:11 03.02.2017
1024
 
Onlar üçün bu güzəştlərin olunması vacibdir
ARB TV-nin "Günün ardınca" verilişində mövzu ilə bağlı reportaj yayımlanıb.

Ölkəmizdə əlil şəxslərin rifahının yaxşılaşdırılması, onların cəmiyyətə inteqrasiyası istiqamətində ardıcıl tədbirlər həyata keçirilir.

Çünki onların işləmək, hər hansı bir sahədə fəaliyyət göstərmək kimi imkanları sağlam insanlara nisbətən məhduddur. Bu baxımdan da bu kateqoriyadan olan insanlara müxtəlif güzəştlər tətbiq olunur. Hər hansı bir növbəlilik prinsipində bu şəxslər önə çəkilir, bəzi dövlət orqanlarında onların işi daha tez həll oluna bilir. Ancaq bir məsələ var ki, bu şəxslər cəmiyyətimizin bir üzvü olduğundan onların da sağlam insanlar kimi müəyyən tələbatları, ehtiyacları var. Bu da, ilk növbədə, kommunal xidmətlərlə bağlıdır. Ancaq məsələ burasındadır ki, hazırda kommunal xidmətlər sahəsində bu kateqoriyadan olan vətəndaşlara heç bir güzəşt tətbiq olunmur. İstər qiymət cəhətdən, istərsə də digər məsələlərdə qanun çərçivəsində ödəniş həyata keçirirlər.

Anar Cəbrayıllı - "Azərsu" ASC-nin mətbuat katibi: 
"Qanunvericiliyə görə kommunal güzəşt haqqlarında heç kimə güzəşt yoxdur. Əlillər, müharibə iştirakçıları, milli qəhrəmanların heç birinə güzəştlər edilmir".

Elə "Azəriqaz" İB-dən də verilən məlumata görə, əlil şəxslərə heç bir güzəşt tətbiq olunmur. Əlil şəxslər də işlətdikləri qazın əvəzində ödəniş etməlidirlər.

ƏƏSMN-nin yerli bölməsindən isə bildirildi ki, əlillərə güzəştlər ancaq onların müalicəsi istiqamətində aparılır. Yəni onlar üçün xüsusi istirahət, həmçinin hər hansı bir müəyyən olunmuş xəstəliklə bağlı pulsuz müayinə, müalicə işləri aparıla bilər.

Qaraş Şahmuradov - DSMF-nin əməkdaşı: 
"Onların müraicəti əsasında növbəli şəkildə istirahət mərkəzlərinə göndərilir. Onların orada hər cürə istirahəti üçün şərait yaradılır. Ünvanlı Sosial Yardım üçün müraciət edən ailələrin, ailə tərkibində 1-ci qrup əlil və sağlamlıq imkanları məhdud 18 yaşadək uşaqları varsa və həmin əlillərə qulluq edən ailə üzvü işçi kimi götürülə bilər.

Ekspertlər isə hesab edirlər ki, hazırkı vəziyyətdə əlillərin kommunal xidmətlərdən azad olunması, yaxud da ödənişlərdə güzəşt tətbiq edilməsi məqsədəuyğun hal deyil. Çünki belə olduğu təqdirdə bəzi şəxslər bu cür hallardan sui-istifadə edə bilər. Bu zaman isə qanunsuzluq halları baş verər ki, bu da birbaşa büdcəyə ziyandır.

Davud Rəhimli - Əlillər İttifaqının rəhbəri: 
"Azərbaycanın ərazi bütövlüyündə iştirak etmiş və əlilliyi olan insanlar dövlət tərəfindən mənzil və maşınla təmin ediliblər. Eyni zamanda, qeyd etdiyim imtiyazlar həmin kateqoriyaya bərabər tutulan şəxslərə də aid edilir. Burada 20 yanvar, Çernobil hadisələri və böyük vətən müharibəsi zamanı əlil olmuş insanlar götürülür. Digər imtiyaz mənzil sahəsində gözdən əlil insanlar üçündür. Bu insanlar üçün də yeni mənzillər tikilir".

İttifaq rəhbəri "Əlilliyi olan şəxslərə kommunal xidmətlərdə güzəşt olunmalıdırmı" sualını isə belə cavablandırıb:
"Hazırkı zamanda bəlkə də mümkün olardı. Lakin bu, digər bir məsələyə gətirib çıxarır. Bu da imtiyazlar zamanı bundan sui-istifadə hallarıdır. Hazırda elə kateqoriyada əlil olan insanlar var ki, onlar üçün bu güzəştlərin olunması vacibdir".

Davud Rəhimli bildirib ki, əlil insanlar işləyərsə, onların pensiyaları və sosial müavinatları kəsilməyəcək:
"3-cü qrup əlil insanlar əmək qabiliyyətinə sahibdilər. Söhbət burada 1-ci və 2-ci qrup əlillərdən gedir. Əvvəllər tibbi sosial ekspert komissiyasından keçən zaman verilən arayışda bu insanlar əmək qabiliyyətsizdir yazılırdı və bu səbəbdən işə götürülmürdülər. Hazırda o arayışda elə söz yazılmır. Bu səbəbdən həmin insanlar da işləyə bilərlər. Həmin məlumatda düzgün deyil ki, əlilliyi olan insan işləyərsə pensiya  və sosial müavinat almayacaq".
 
OXŞAR XƏBƏRLƏR
ƏN SON XƏBƏRLƏR
Türkiyə XİN: Qafqazla bağlı gözlədiyimiz nəticə çox önəmlidir
23:58 14.03.2025
Türkiyə XİN: Qafqazla bağlı gözlədiyimiz nəticə çox önəmlidir
“Qalatasaray" "Antalyaspor"u böyük hesabla məğlub edib
23:53 14.03.2025
“Qalatasaray" "Antalyaspor"u böyük hesabla məğlub edib
Leyla Əliyeva və Arzu Əliyeva şəhid anaları ilə iftar məclisində iştirak ediblər
23:39 14.03.2025
Leyla Əliyeva və Arzu Əliyeva şəhid anaları ilə iftar məclisində iştirak ediblər
Azərbaycanın yunan-Roma güləşçisi Avropa çempionatında qızıl medal qazanıb
23:20 14.03.2025
Azərbaycanın yunan-Roma güləşçisi Avropa çempionatında qızıl medal qazanıb
Zelenski: Ukrayna ordusu Kursk əməliyyatı ilə öz vəzifəsini yerinə yetirib
23:01 14.03.2025
Zelenski: Ukrayna ordusu Kursk əməliyyatı ilə öz vəzifəsini yerinə yetirib
Britaniya Azərbaycanla Ermənistanı sülh sazişini imzalamağa çağırıb
22:50 14.03.2025
Britaniya Azərbaycanla Ermənistanı sülh sazişini imzalamağa çağırıb
Milli Qəhrəmanın atası vəfat etdi
22:29 14.03.2025
Milli Qəhrəmanın atası vəfat etdi
İtaliya Azərbaycan və Ermənistan arasında sülh danışıqlarının yekunlaşmasını alqışlayır
22:07 14.03.2025
İtaliya Azərbaycan və Ermənistan arasında sülh danışıqlarının yekunlaşmasını alqışlayır
Leyla Əliyeva və Arzu Əliyeva UNEC-də distant Çin dili təhsili alan tələbələrlə görüşüblər
22:00 14.03.2025
Leyla Əliyeva və Arzu Əliyeva UNEC-də distant Çin dili təhsili alan tələbələrlə görüşüblər
G7 Ukrayna ilə atəşkəsdən imtina halında Rusiyaya qarşı əlavə sanksiyaların tətbiqini müzakirə edib
21:53 14.03.2025
G7 Ukrayna ilə atəşkəsdən imtina halında Rusiyaya qarşı əlavə sanksiyaların tətbiqini müzakirə edib
Bəşir Süleymanlı ilə birgə saxlanılan Altay Məmmədzadə həbs edilib.
21:44 14.03.2025
Bəşir Süleymanlı ilə birgə saxlanılan Altay Məmmədzadə həbs edilib.
Sumqayıtda sərnişin avtobusu piyadanı vuraraq öldürüb
21:39 14.03.2025
Sumqayıtda sərnişin avtobusu piyadanı vuraraq öldürüb
Baş nazirin müavini: Mineral resurslarla bağlı saziş üzrə danışıqlar başa çatıb, Ukrayna imzalanma tarixini gözləyir
21:34 14.03.2025
Baş nazirin müavini: Mineral resurslarla bağlı saziş üzrə danışıqlar başa çatıb, Ukrayna imzalanma tarixini gözləyir
BMT: Azərbaycan - Ermənistan arasında müzakirələri alqışlayırıq
21:26 14.03.2025
BMT: Azərbaycan - Ermənistan arasında müzakirələri alqışlayırıq
Putin Kurskdakı ukraynalı hərbçilərə təslim olmağı təklif edib
21:11 14.03.2025
Putin Kurskdakı ukraynalı hərbçilərə təslim olmağı təklif edib
Bəşir Süleymanlı həbs edildi
21:06 14.03.2025
Bəşir Süleymanlı həbs edildi