Azərbaycanın FİFA referisi Əliyar Ağayev Yunanıstan II Super Liqasının final oyununa təyinat alıb.
AZXEBER.COM xəbər verir ki, 35 yaşlı baş hakim "Levadiakos" və "Veriya" komandaları arasındakı cavab matçını idarə edəcək. Ağayevə yan xətt hakimləri Zeynal Zeynalov və Akif Əmirəli köməklik göstərəcəklər.
Qeyd edək ki, qarşılaşma mayın 15-də keçiriləcək. İlk oyunda "Levadiakos" 1:0 hesablı qələbə qazanıb. Qalib komanda Superliqaya vəsiqə qazanacaq.
