İnsan bədənində toplanan piyləri 2 yerə ayırırlar: dəri altı və visserial.
İnsan sağlamlığı üçün ən təhlükəlisi visserial piylənmədir.
Dərialtı piy olan qarın yumşaq, dartıran və titrəyən olur. Visserial piy zamanı isə qarın daha dik, bərk, şar kimi olur. Buna tibbdə həmçinin abdominal piylənmə deyilir.
AZXEBER.COM medicina.az-a istinadən bildirir ki, bu piylənmə zamanı daxili orqanların da ətrafını piy tutur. Kişilərdə daha çox pivə içməkdən və yağlı yeməkdən yaranan, puvə qarnı, çəllək qarnı adlandırılan şişman qarın diabet, təzyiq, ürək-damar, böyrək problemləri yaradır, erektil disfunksiyaya səbəb olur.
Yaponiyada sıradan tibbi müayinələr zamanı mütləq bel və qarın hissə santimetrlə ölçülür, normadan çox kənara çıxan insanı təkrar əlavə analizlərə göndərib, artıq ona xəstə kimi yanaşırlar.
Çəllək qarınlı kişilər normal bel və qarına sahib kişilərə nisbətən gözlənilməz, qəfil və erkən ölüm riski daşıyır, infarkt, böyrək və qaraciyər çatışmazlığından ölür.
Belə insanlar mütləq xüsusi idman, pəhrizlə bel və qarının incəlməsinə nail olmalı, qaraciyər və ürəyi nəzarətdə saxlamalıdırlar.
