Azərbaycanın xarici işlər naziri Elmar Məmmədyarov Finlandiya Respublikasına rəsmi səfəri çərçivəsində bu ölkənin sabiq prezidenti xanım Tarya Halonen ilə görüşüb.
XİN-in mətbuat xidmətindən APA-ya verilən məlumata görə, görüş zamanı Azərbaycan ilə Finlandiya arasında ikitərəfli münasibətlərin müxtəlif istiqamətlərdə inkişafı, eləcə də Dağlıq Qarabağ münaqişəsi və onun həlli istiqamətindəki danışıqların cari vəziyyəti ətrafında fikir mübadiləsi aparılıb.
