Gəncədə 53 min ağacəkmə kampaniyası davam edir.
AZXEBER.COM-un məlumatına görə, Gəncə şəhər İcra Hakimiyyətinin başçısı Elmar Vəliyev kampaniyanın gedişatı ilə tanış olub, ağac əkilən ərazilərə baş çəkib.
İcra başçısı kampaniya çərçivəsində Heydər Əliyev parkında növbəti ağacı əkib. Kütləvi şəkildə davam edən aksiyada şəhərin bütün idarə və müəssisə kollektivləri, gənclər, ictimaiyyət nümayəndələri iştirak ediblər.
Qeyd edək ki, kampaniya başladığı gündən indiyə kimi 40 mindən çox ağac əkilib. Aksiyaya 24 dekabr tarixində yekun vurulacaq və həmin gün 53.000-ci ağac əkiləcək.
