“World Masters” seriyalı turnirin qalibi Elnur Məmmədli (81 kq) yanvar ayına olan reytinqində aktivindəki xalların sayını 608-ə çatdırıb. Cüdoçumuz bu nəticə ilə ötən ayla müqayisədə 24 pillə irəliləyərək 12-ci pillədə qərarlaşıb. “World Masters” seriyalı turnirin digər qalibi Elxan Məmmədov isə (90 kq) reytinq siyahısında 3-cü yerdə qərarlaşıb. Elxan Məmmədovun aktivində 1072 xal var.
“World Masters” seriyalı turnirin bürünc mükafatçıları İlqar Müşkiyev 33-cü, Tərlan Kərimov isə16-cı pillədə yer alıb. Qadın cüdoçularımızdan Kifayət Qasımova 19-cu, RamiləYusubova isə 23-cü yerdə qərarlaşıblar.
