Dünən "5/5"də qonaq olan əməkdar artist Yusif Mustafayev bu yaxınlarda bir qadına ev alıb verdiyi barədə söz-söhbətə nöqtə qoyub.
AZXEBER.COM Milli.Az-a istinadən xəbər verir ki, müğənni yada heç zaman pul xərcləmədiyini və o qadının barəsində səsləndirdiyi iddianın yalan olduğunu qeyd edib:
"Mən yada niyə ev alım. Alaram e..., bacım üçün, qardaşım üçün alaram. Canım nəslimə qurban. Özümünkülərdən başqa, bir manat birinə versəm, lənət olsun mənə. Mən bu saçı ağartmamışam ki, xalqın içində mənim abırımı tökəsən. Allah sənin o pis əməlini qarşına çıxartsın".
Xatırladaq ki, "Səhər-Səhər" verilişində bu yaxınlarda qonaq olan keçmiş "İdeal" qrupunun rəhbəri Səbinə Rəcəbli Yusif Mustafayevin onun evinə hədiyyələr göndərdiyini iddia etmişdi:
"Bəlkə də siz bilirsiniz, ya bilmirsiniz, amma gələn hədiyyələr sizin adınızdan gəlib. Mən o hədiyyəni qəbul etmədim. Bu verilişdən sonra başladı. Zənglər filan. Bu, doğurdan, olub belə. Siz inanmırsız, amma bu, şou deyil".
Əməkdar artist isə bu iddianı cavabsız qoymamışdı:
"Hacı balalarımın canı üçün mən nə səni tanımıram, nə də sənə hədiyyə göndərməmişəm bacı. Əl çək məndən. Öz canıma and içirəm".
