"Sənə kim ixtiyar verib ki, efirdə məni təhdid edib, ünvanıma hədə-qorxular səsləndirirsən. Mənimlə harada görüşəcəkdin?"
AZXEBER.COM xəbər verir ki, bu sözləri xanəndə Sahib İbrahimov "Tarixin bir günü" verilişində deyib.
Sənətçi, ötən həftə sözügedən verilişdə Manaf Ağayevin onun ünvanına səsləndirdiyi fikirlərə cavab verib:
"Mən tənqidlərə açıq adamam, amma qərəzli olaraq ünvanıma deyilən sözləri qəbul edə bilmərəm. Manaf hansı ixtiyarla burada oturub mənim ünvanıma təhdidlər səsləndirir? Deyir mən Sahiblə kənarda danışacağam. Mənimlə harada görüşüb, danışmaq fikrin var? Deyirsən ki, Sahib kimdir. Mən sənə xatırladaram mən kiməm...
Sahib Birinci Qarabağ müharibəsi iştirakçısı və qazisidir, 27 yaşında Azərbaycan Dövlət Muğam teatrının solisti olmuşam, mənim 2000-ci ildə Almaniyada böyük ustadlarımızla "Sarı gəlin" adlı diskim çıxıb və Avropada böyük tirajla satılıb. Mən səhlənkar olmuşam bu işlərimi qabardıb göstərməmişəm. Deyirsən ki Sahibin başı üçün deyil... Bəli, Sahibin başı belə cılız musiqilər haqqında danışmaq üçün deyil".
Aysel
