Təhsil sahəsində Azərbaycan təcrübəsini dünyada təbliğ etməyə, eyni zamanda, dünya təcrübəsini Azərbaycanda tətbiq etməyə çalışırıq.
Bunu elm və təhsil naziri Emin Əmrullayev "Dünyanın ən yaxşı universitetlərinin reytinq siyahısı: dayanıqlılıq 2025”in nəticələrinin elan edilməsi ilə bağlı keçirilən tədbirdə deyib.
O qeyd edib ki, dünyanın müxtəlif ölkələrində artıq iqlim qiymətləndirilməsini müzakirə etmək mümkündür:
"Başa düşürük ki, reytinq hər şeyi əhatə etmir. Lakin reytinq bir çox məsələlərdə əsas götürülür. Rəqabət yaradır, önəmli məsələlərə fokuslanmağa kömək edir. Elm və Təhsil Nazirliyi 2022-2026-cl il üzrə dövlət strategiyası ilə Azərbaycanın üç universitetini dünyadakı ilk 500-lüyə salmağa çalışır".
