Fətullah Gülən tərəfdarlarına mesaj ünvanlayıb.
ANS TV-nin məlumatına görə, Türkiyədə keçirilməsinə qadağa qoyulan türkcə Olimpiyadaları bu dəfə Almaniyada baş tutub. Ünvanı ilə bərabər adı da dəyişdirilərək - Beynəlxalq Dil və Mədəniyyət Festivalı olan final şousu Düsseldorf şəhərində keçirilib. 145 ölkədən 250-dən artıq şagirdin iştirak etdiyi festivala 12 mindən artıq qonaq qatılıb.
Açılış mərasimi Fətullah Gülənin təbrik nitqinin səsləndirilməsilə başlayıb.
Fətullah Gülən məktubunda tərəfdarlarına heç bir zaman “dayanmadan irəliləyin” - mesajını göndərib. Həmçinin deyib ki, bəzi kəslər elm, sevgi və sülhə gedən yolu, tolerantlığı çox uzaq və uzun görürlər. Halbuki bir yapon atalar sözündə belə deyilər: “Yanında yaxşı bir dostun varsa sənə heç bir yol uzun deyil”.
Burada Türkiyənin baş naziri Rəcəb Tayyib Ərdoğan Avstriya və Fransa səfərlərindən sonra jurnalistlərə bildirib ki, Gülən camaatı ilə həm daxildə, həm xaricdə mübarizə tədbirləri gücləndirilib. Baş nazir bəzi türkdilli və Afrika ölkələrində Fətullah Gülənə məxsus məktəblərin bağlandığını və bundan sonra da bağlanacağını deyib.
Baş nazir Rəcəb Tayyib Ərdoğan, etdiyi çıxışlarından birində, Gülən camaatına məxsus türkcə Olimpiyadaları barədə onların məlum olimpiyadaları vardı, artıq bitdi. “Artıq bundan sonra bunların olimpiyadaları deyə bir şey bizim dünyamızda yoxdur. Bitti onlar, o dəftərlər bağlandı, keçdi” demişdi.
Lakin göründüyü kimi nurçuların tədbiri bu dəfə Almaniyada keçirildi.
