Ərdoğanın ABŞ- səfərində daha bir qalmaqal yaşanıb.
Bütün zamanların ən yaxşı boksçusu Məhəmməd Əlinin dəfnində iştirak etmək üçün ABŞ-a səfər edən Türkiyə prezidenti Rəcəb Tayyib Ərdoğanın səfəri qalmaqallarla yadda qalıb.
Vida mərasimində hörmətsizliklə üzləşən prezident cənazə namazından sonra geri qayıtmağa qərar verib. Belə ki, Ərdoğan bu gün həyata keçiriləcək dəfndə iştirak etməyəcək.
Bundan başqa onun cangüdəni ilə amerikalı gizli xidmət əməkdaşı arasında gərginlik də yaşanıb. Ərdoğanın Məhəmməd Əli Mədəniyyət mərkəzinə getmək üçün qaldığı oteldən çıxaaraq xidməti maşına minib. Lakin avtomobil yerindən belə tərpənməmiş ABŞ-ın təhlükəsizlik xidməti əməkdaşlarından biri prezidentin cangüdəni ilə əlbəyaxa olub. Onları digər həmkarlarının müdaxiləsi ilə sakitləşdirmək mümkün olub.
Məlumata görə, protokol gərəyi Ərdoğanı qorumalı olan amerikalı gizli xidmət əməkdaşı prezident maşına mindikdən sonra qapının yanında dayanmalı olub. Lakin türk cangüdəndə eyni yerdə dayanmaq niyyətində olub. Bunun üstündə hər iki şəxs arasında gərginlik yaşanıb.
Qeyd edək ki, Məhəmməd Əlinin məzarı üstünə Kəbə örtüyündən bir parça qoymaq istəyən prezidentə rədd cavabı verilib. Bunu özlərinin edəcəklərini deyərək parçanı Ərdoğandan alıblar.
Ərdoğan və Din naziri Mehmet Görmezin Qurani-Kərimi oxumaq istəyinə də etiraz edən dəfnin təşkilatçıları Türkiyə prezidentinə qarşı hörmətsizlik edib. Bunu əsas gətirərək Rəcəb Tayyib Ərdoğan səfərini yarıda kəsib.
