Ərdoğanın xalası öldü

Yerli mətbuatın yaydığı məlumata görə, ölkə baş naziri Rəcəb Tayyib Ərdoğanın xalası vəfat edib. Ərdoğan bu gün Qaziantepdə terror qurbanı olmuş insanların cənazə mərasimində iştirak etdikdən sonra Rize şəhərinə gedərək xalasının dəfnində iştirak edəcək.Ailə və Sosial siyasət naziri Fatma Şahinin isə anası vəfat edib. Nazir Fatma Şahinə bu kədərli xəbər Qaziantepdə terror nəticəsində vəfat etmiş 12 yaşlı qızın anasını təsəlli edərkən verilib. Qeyd edək ki, nazirin 64 yaşlı anası ürəyindəki narahatlıq səbəbilə 2 həftədir Qaziantep dövlət xəstəxanasında müalicə olunurdu.AKP-nin (Hakim Əsalət və İnkişaf partiyası) Şırnak vilayətindən olan millət vəkili Mehmet Emin Dindarın isə qardaşı məruz qaldığı silahlı hücum nəticəsində vəfat edib. Məlumata görə, Mehmet Emin Dindarın daha əvvəl 2 qardaşı silahlı hücum, 1 qardaşı isə yanğın nəticəsində vəfat edib.