Bir neçə gün öncə "Lider" televiziyasında yayımlanan "Çıxış yolu" verilişinə müraciət edərək "Ərim məni borclu olduğu kişilərə satmaq istəyirdi" deyən Quba rayonu Şuduq kənd sakini Gülsəhər Ömərovanın həyat yoldaşına xəyanət etdiyi üzə çıxıb.
Bu iddiayla verilişə telefon bağlantısıyla qatılan Rəşid Ömərov (Gülsəhər Ömərovanın qayınatası) çıxış edib. O bildirib ki, gəlininin oğlunu xəyanət etməsiylə bağlı onda kifayət qədər dəlillər var:
"O hansı üzlə doqquz milyon xalqın qarşısına çıxır? Bu adam mənim oğluma xəyanət edib. Tutaq ki, mən pis qudayam. Bəs onun o biri bacısı niyə boşanıb? On günün içində mağazadan 260 manatlıq borc ərzaq götürüb. Nə alıb o mağazadan? Atası oğlumu ölümlə hədələyir. Oğlum hərbçidir, vətənə xidmət edir. Məhkəmə ona min manat cərimə kəsib".
Verilişin aparıcısı Nuranə Gülər və ekspertlər isə R.Ömərovu bu açıqlamaya görə qınayıblar.
///Ölkə.az
