Mersin (Türkiyə) şəhərində ötən il ərinin başını əkinçi aləti ilə vurub öldürən Alime Toprakın məhkəməsi keçirilib.
AZXEBER.COM Milli.Az-a istinadən xəbər verir ki, dağlarda heyvanlara qulluq edərkən 15 yaşında təcavüzə məruz qaldığını söyləyən Toprak "hamilə qalanda evləndik. 15 ildir şiddətə məruz qalmışam, 4 uşaq döyülməkdən hamiləliyim zamanı tələf olub" deyib.
Qadın ərinin onu pul qarşılığında cinsi əlaqəyə girməyə məcbur etdiyini də söyləyib: "Boşandığımız təqdirdə çəkdiyi fotoları yayacağı ilə hədələyirdi". Onu öldürdüyünü isə bir televiziya proqramına çıxdığı zamanı etiraf edib. Toprak "Mənə daima pul tapmağı söyləyirdi. İşləmirdi və vaxtını qumarda keçirirdi. Qazandığım pulları da məndən alırdı. 14-15 yaşlarında bir qız tapmağımı istəyirdi. 4-5 ildir hər zaman bunu söyləyirdi. Mən qəbul etmədiyim zaman zor tətbiq etdi".
Hadisə günü istixanada işləyərkən ərinin yenə onu təhqir etdiyini iddia edən Toprak "yenə eyni şeyləri dedi, mübahisəyə başladıq. Mənə qarşı şiddət tətbiq etməyə başladı. Saçlarımdan tutub sürüdü, yumruqla vurdu. Qorxdum. O zaman özümü qorumaq üçün başından vurdum. Onu öldürmək fikrim yox idi. 15 ildir evli, hər şeyə dözdüm. Təəssüf edir və bəraət istəyirəm" deyib.
