ABŞ-də aparılan bir araşdırma erkən gənclik dövründə şiddətli stresə məruz qalan şəxslərin həyatlarının sonrakı dövrlərində ürək sağlamlığı ilə bağlı problemlər yaşama riskinin daha yüksək olduğunu ortaya qoyub.
AZXEBER.COM xarici mediaya istinadən xəbər verir ki, tədqiqatçılar Cənubi Kaliforniya Universiteti ilə əlaqəli "Uşaq Sağlamlığı Araşdırmaları"nda iştirak edən 13-24 yaş arası 276 nəfərin məlumatlarını araşdırıblar.
İştirakçılar stress səviyyələrinə görə 4 qrupa bölünüblər: "ardıcıl olaraq yüksək stress”, "zamanla azalan stress”, "zamanla artan stress” və "daimi aşağı stress”.
Araşdırmalar nəticəsində alimlər müəyyən ediblər ki, stress səviyyəsi yüksək olan insanlar sonrakı yaşlarda daha çox kökəlirlər, piylənmə riski daha yüksək olur və buna görə də ürək xəstəlikləri riski artır.
Bu insanların yaşlandıqca damar sağlamlığının daha da pisləşdiyi, təzyiqlərinin daha yüksək olduğu da məlum olub.
Ayşən
