Ermənistanın "Arsax” klubunun qapıçısı Samur Aqomaqomedov Azərbaycan yığmasından təklif aldığını açıqlayıb.
AZXEBER.COM Qafqazinfo-ya istinadən xəbər verir ki, o, bu təklifdən imtina etdiyini bildirib.
Dağıstanlı qolkiper bunun səbəbini də açıqlayıb: "Mənə Azərbaycan U-21 millisindən təklif gəldi. Lakin öz agentimə güvəndim. Hansı ki, daha əvvəl Ermənistan millisində oynayırdı. Ona güvənib "Arsax”a keçdim”.
Milli komandanın mətbuat xidmətinin rəhbəri Elman Himayətoğlu isə məlumatı təkzib edib: "Belə bir futbolçu ilə maraqlanmamışıq, heç onu tanımırıq”.
