Bu gün AzTv-nin efirində Şuşanın yaxınlığında Azərbaycan və Rusiya sülhməramlılarının olduğu posta əl qumbarası atan erməni terrorçu Norayr Mirzoyan haqqında müzakirə aparılıb.
AZXEBER.COM xəbər verir ki, aparıcı Elnar Məmmədlinin təqdimatı ilə baş tutan "ƏSAS MƏSƏLƏ" verilişində "Yeni Müsavat" Media qrupunun rəhbəri Rauf Arifoğlu, siyasi şərhçi Elşən Məcidov və millət vəkili, professor Musa Qasımov iştirak ediblər.
Verilişdə son zamanlar Qarabağda artan erməni təxribatının səbəbləri ətrafında danışılıb. Ermənilərin 10 noyabr bəyanatına əməl etməmələri və bunun bədəlinin nə olacağı ilə bağlı fikir mübadiləsi aparılıb.
