Ermənilər mütəmadi olaraq incəsənət nümunələrimizi, tarixi abidələrimizi, milli mətbəximizi və milli musiqilərimizi öz adlarına çıxarmağa çalışıblar. Onlar boş vaxtlarında bizə aid olanı oğurlamaqla məşğuldurlar. Bu artıq ermənilərin və erməni lobbisinin hobbisinə çevrilib.
Ermənilər yenidən musiqimizə göz tikiblər. Bu dəfə də erməni musiqiçilər Xalq artisti, nağara ifaçısı Natiq Şirinovun kompozisiyasını oğurlayıblar.
Natiq Şirinov "Qaval daşı" kompozisiyasını 2012-ci ildə ölkəmizdə keçirilən "Avroviziya" mahnı müsabiqəsində təqdim etmişdi. Tigran Hovsepyan adlı erməni musiqiçi Azərbaycanın qədim milli zərb aləti olan nağara üzərində eyni kompozisiyanı quraraq "yeni mahnı" adı ilə ictimaiyyətə açıq paylaşım edib. Natiq Şirinov bildirib ki, 7 dəqiqəlik kompozisiyanın hər ritmində onun əziyyəti var.
Xalq artistinin sözlərinə görə, bu hadisə onu hərtərəfli məyus edib. O, bu tip oğurluqların səbəbini milli dəyərləri kifayət qədər mənimsəməməkdə görür.
Natiq Şirinovun qeyd edib ki, mövzu ilə bağlı beynəlxalq qurumlara müraciət edərək həmin kompozisiyanın sosial platformalardan silinməsinə çalışacaq.
