Dağlıq Qarabağda uğursuzluqdan sonra Ermənistanda həm ordu, həm də digər strukturlarda istefalar başlayıb.
AZXEBER.COM publika.az-a istinadən bildirir ki, bu haqda Ermənistanın "168 jam" qəzeti hərbi mənbələrə istinadən məlumat yayıb.
Qəzet yazır ki, Ermənistan ordusunda generallar və yüksək vəzifəli şəxslər istefaya göndərilirlər: "Hakimiyyət istefaları maksimum dərəcədə gizli saxlamağa çalışır".
Qəzet qeyd edir ki, Ermənistan diplomatiyası da ordunun uğursuzluğunu daban-dabana izləyir.
"Diplomatik mənbələr xarici işlər naziri Eduard Nalbandyanın vəziyyətinin yaxşı olmadığını deyirlər. Halbuki, bir müddət öncə onun 2017-ci ildən sonra prezident olacağı gözlənilirdi. Lakin Nalbandyan AŞPA-da Sərsəng su anbarı ilə bağlı qəbul olunan qətnamə ilə ilk zəifliyini göstərdi. O, bu qətnaməni "kağız parçası" elan etsə də, reallıqda Azərbaycan bu qətnaməyə istinad edərək həmin ərazilərə nəzarəti ələ keçirə bilər. Ardınca Qarabağdakı döyüşlərdə Nalbandyan diplomat kimi heç nəyə yaramadığını sübut etdi", - deyə qəzet yazıb.
