Rəsmi İrəvan Ankaranın Türkiyə-Ermənistan sərhədlərinin açılması üçün Azərbaycanın işğal altındakı rayonlarından ən azı ikisinin azad olunması təklifi ilə razılaşmayıb.
AZXEBER.COM “Hürriyet” qəzetinə istinadən xəbər verir ki, bununla bağlı İrəvanın mövqeyini Ermənistan xarici işlər nazirinin müavini Şavarş Koçaryanbəyan edib.“Hürriyet”in məlumatına görə, “Armenpress” agentliyinə açıqlama verən Ş.Koçaryan “Türkiyə Ermənistanla mədəni əlaqələr istəyirsə, soyqırımını tanısın və sərhədləri açsın”, - deyib.Ş.Koçaryan daha sonra Türkiyənin xarici işlər naziri Əhməd Davudoğlunun Ermənistanla sərhədlərin açılması üçün Azərbaycanın işğal altındakı rayonlarından ən azı ikisinin azad olunması təklifini də “provakasiya” adlandırıb:“Türkiyə xarici işlər naziri Qara Dəniz ölkələri xarici işlər nazirlərinin toplantısında iştirak üçün İrəvana gəlməzdən öncə bölgədə müsbət prosesləri əngəlləyəcək provakativ açıqlamalar vermək əvəzinə, bu səyahəti İrəvandakı “soyqırımı muzeyi”ini ziyarət etmək və “soyqırımı qurbanları”na bir dəqiqəlik sükuta dayanmaq üçün istifadə etsə, daha yaxşı olar”.
