Ukrayna Prezidenti Volodimir Zelenski səhər saatlarında Çernobıl Atom Elektrik Stansiyasına pilotsuz təyyarə ilə hücum edildiyini açıqlayıb.
AZXEBER.COM xarici mediaya istinadən xəbər verir ki, bu hadisədən sonra Kreml Rusiyanın Çernobıl AES-i hədəfə alması ilə bağlı iddiaları təkzib edərək, bu iddiaların saxta olduğunu və beynəlxalq danışıqları pozmağa yönəlmiş təxribat olduğunu bildirib.
Bunu Moskvada mətbuat konfransında danışan Kremlin sözçüsü Dmitri Peskov deyib.
"Hər hansı nüvə infrastrukturuna hücumdan söhbət gedə bilməz. Belə iddialar yalandır. Rusiya ordusu belə hərəkətlərə yol vermir", - Peskov bildirib.
Rusiya Xarici İşlər Nazirliyinin sözçüsü Mariya Zaxarova da mətbuat konfransında Peskovun açıqlamalarını dəstəkləyib.
O, iddiaların Ukraynanın Rusiyanın dünya səhnəsindəki mövqeyini sarsıtmaq üçün daha geniş səylərinin bir hissəsi olduğunu irəli sürüb.
"Bunun təxribat olduğuna şübhə yoxdur”, - deyən Zaxarova ötənilki Münhen konfransından əvvəl də oxşar ittihamların ortaya çıxdığını deyib.
O, Ukraynanın əvvəllər Rusiyanı mülki infrastruktura hücumda ittiham etdiyini və Qərbdən əlavə yardım üçün iddiasını gücləndirmək üçün Moskvanı ləkələdiyini iddia edib.
Mikayıl
