Suriyada 61 illik Baas rejiminin süqutundan sonra rejim əsgərləri və təhlükəsizlik xidməti əməkdaşları silahlarını müvəqqəti administrasiya təhvil verməyə başlayıblar.
AZXEBER.COM xarici mediaya istinadən xəbər verir ki, yeni administrasiya tərəfindən paytaxt Dəməşqdə yaradılmış barışıq və uzlaşma mərkəzinin qarşısında çökmüş rejimə xidmət edən çox sayda insan izdihamı yaranıb.
Mərkəzin girişində növbə gözləyənlər əllərində silah varsa, əvvəlcə onları kənara qoyub Bəşər Əsədin şəkli olan tablonun üzərinə ayaq basaraq binaya daxil olurlar.
İçəridə Suriyanın yeni administrasiyasının nümayəndələri insanların kimlik məlumatları, harada yaşadıqları və rejim dövründə tutduqları vəzifələrlə bağlı qeydlər aparır, çıxışda onlara verilən sənədlərlə birlikdə şəkilləri çəkilir.
Mərkəzdən bildirilib ki, qeydiyyatdan keçənlərə üç ay müddətinə yeni şəxsiyyət vəsiqəsi verildikdən sonra ölkə daxilində təhlükəsiz gəzə biləcəklər.
Cəmalə
