Ötən ay 12 illik həyat yoldaşından boşanan türkiyəli aktrisa Pelin Karahan evlilik ilə bağlı maraqlı təklif irəli sürüb.
AZXEBER.COM Türkiyə mətbuatına istinadən xəbər verir ki, aktrisa evliliyin müqailə ilə olmasını və hər üç ildə avtomatik şəkildə bitməsini təklif edib.
"Düşünürəm ki, evlilik müqavilə olmalı və hər üç ildən bir avtomatik olaraq başa çatmalıdır. Bu qayda uşaqların olub-olmamasından asılı olmayaraq dəyişməməlidir. Hər iki tərəf istəsə, evlilik davam edə bilər. O zaman hər kəs bir-birinə daha yaxşı münasibət göstərər. İnsanlar evləndikdən sonra ayrıla bilməyəcəklərini düşünürlər. Uşaqları və iqtisadi vəziyyətləri üzündən məcbur evli qalan bir çox qadın var. Hörmət yox olur, nəzakət yox olur və sevgi artıq bitir. Müddətli müqavilə öhdəlik hissini aradan qaldırır. Hər kəs münasibətlərinə daha çox zaman ayırardı" deyə, aktrisa bildirib.
Xatırladaq ki, bir müddət öncə Hülya Avşar da evliliyin 5 illik olmasını və müddət tamam olduqdan sonra cütlüklərin istəsələr onu davam etdirmək üçün yenidən evlənməsini təklif etmişdi.
Aysel
