Tanınmış menecer Mikayıl Hüseynov son günlər ekranda teleaparıcıların öz proqramlarında prodüserləri və menecerleri tənqid etməsinə münasibət bildirib. O, Lent.az-a açıqlamasında qarşı tərəfi qeyri-peşəkarlıqda günahlandırıb: “Əvvəla, mən prodüser deyiləm, menecerəm. Maraqlı burasıdır ki, şou-biznesdə tanınsam da, ekranların ulduzu deyiləm. Lakin hər proqramda adım çəkilir, müzakirə olunuram. Məni qəbul etməyənlərə də deyirəm: gör iş nə yerə çatıb ki, nəinki teleaparıcılar, hətta efir prodüserləri də qalmaqala can atır, özlərini adımla reklam edirlər. Mənim gördüyüm işlər İlhamə Qasımova dövründə qalıb. Yaxşı menecer olub-olmadığımı onlar yox, əməkdaşlıq etdiyim sənətçi deyə bilər”.
