Amerika Birləşmiş Ştatlarının daha bir ştatında eyni cinslilərin nikahı qanuniləşdirilib. Belə ki, Nyu-York ştatında artıq eyni cinsə mənsub olan iki şəxsin ailə qurmasına icazə veriləcək. İnsan haqları müdafiəçilərinin təzyiqi nəticəsində ştatın qubernatoru Endryu Kuomo qanun layihəsini imzalayıb və layihə ştatın qanunvericiləri tərəfindən dəstəklənib.
Artıq Nyu-York sakinləri qeyri-ənənəvi nikaha daxil olmaq üçün başqa ştatlara üz tutmalı olmayacaqlar. Nyu-York Birləşmiş Ştatlarda indiyədək eyni cinslilərin nikahına qanunla icazə verən 6-cı və ən böyük ştatdır. İlk belə ştat isə 2004-cü ildə eyni cinslilərin evlənməsinə icazə verən Massaçusets olub.
Qeyd edək ki, Nyu-York ştatı eyni cinsli cütlüklərin hüquqlarını müdafiə vətəni hesab edilir. 1969-cu ildə məhz Nyu-York şəhərinin Qrinviç qəsəbəsində Stounvoll hərəkatı başlamışdı.
//Ans Press
