Braziliya məhkəməsi "Facebook"un hesabındakı 11,7 mln. dollar həbs qoydu
Braziliya Federal Məhkəməsi "WhatsApp" messencerinin də sahibi olan "Facebook" şirkətinin hesabındakı 11,7 mln. dollar vəsaitə həbs qoyub.
İKT.lent.az-ın UOL-a istinadən xəbərinə görə, buna səbəb messencer təmsilçilərinin hüquq-mühafizə orqanlarına istifadəçilərin yazışmalarını izləmək icazəsini verməməsidir.
Qeyd edək ki, ötən ay Braziliyanın Londriana şəhər məhkəməsi "Facebook"un hesabındakı 6 mln. dolları bloklayıb.
Braziliya məhkəmələri dəfələrlə yerli mobil operatorlara "WhatsApp"ın ölkə ərazisindəki fəaliyyətini məhdudlaşdırmaq barədə göstəriş verib.
