“Facebook” sosial şəbəkəsinin yaradıcısı Mark Zukerberq bu ildən özünün əmək haqqının 1 dollar edilməsini xahiş edib. Onun xahişi yerinə yetirilib.Zukerberqin 2012-ci ildə qazancı 1.9 milyon dollar olub. Belə ki, şirkət ötən ilin may ayından səhm bazarında iştirakını təmin edəndən sonra, dəyəri 2.27 milyard dollar olan 60 milyon ədəd səhm buraxılışını həyata keçirib.Qeyd edək ki, Mark Zukerberq “Apple”nin sabiq başçısı Stiv Cobs, “Google”nin yaradıcısı Larri Peyc və Sergey Brinin atdıqları addlımı təkrarlayıb. Onlar da 1 dollar əmək haqqı alırdılar. Bu gün həmçinin “Oracle”nin başçısı Larri Ellison, “Tesla” şirkətinin rəhbəri Elon Mask, HP şirkətinin müdiri Meq Uitmen də cəmi 1 dollar maaş alırlar.Dünyaca tanınmış 28 yaşlı Mark Zukerberqin varidatı 13.3 milyard dollar həcmində qiymətləndirilir.
