İtaliyada fahişələrin “həmkarlar təşkilatı” qiyməti ucuzlaşdırdıqlarına görə ev qadınları və tələbələrə müharibə elan edib.
“Fahişələrin Yurddaşlıq Hüquqları Komissiyası” adlı təşkilatın rəhbəri Karla Korso YouTube-da yayılan müraciətində on minlərlə tələbə və ev qadınının ucuz qiymətə fahişəlik etdiyini bildirib. Onun sözlərinə görə, bunun nəticəsində qiymətlər ucuzlaşır. “Orta qiymət 50 avroya düşüb. Özlərini 5 avroya belə satanlar var”, – Karla Korso deyib. O iddia edib ki, heç ağıla da gəlməyən qadınlar dolanışıq üçün internet vasitəsilə ya evlərə, ya da hotellərə gedirlər.
Karla Korsonun fikrincə, bu məsələdə afrikalı qadınların da rolu var.
İtaliyada fahişəliyin illik 5 milyard avro gəlir gətirən sahə olduğu bildirilir. Bu ölkədə 80 min fahişə var.
