Susan Sarandon Fələstin tərəfdarı bəyanatlarına görə Hollivud layihələrindən kənarlaşdırıldığını və qara siyahıya salındığını açıqlayıb.
AZXEBER.COM xarici mətbuata istinadən xəbər verir ki, "The Times”a müsahibə verən Sarandon müzakirələrdən sonra menecerinin onu tərk etdiyini və böyük layihələrdə iştirak edə bilmədiyini "Agentliyim məni tərk etdi, layihələrim ləğv olundu” sözləri ilə izah edib.
Son zamanlar ifadə azadlığına görə işdən çıxarılanların çox olduğuna diqqət çəkərək, "Keçən noyabr ayından bəri bir tvitini bəyəndiyi və ya atəşkəs çağırışı ilə işini itirən çox sayda insan var” deyə bildirib.
Qeyd edək ki, 78 yaşlı aktrisa Syuzan Sarandon ötən ilin noyabrında İsrailin Fələstinə hücumlarına etiraz olaraq Nyu-Yorkda keçirilən aksiyaya qatılıb.
Sarandon mitinqdə "Hər kəs azad olana qədər heç kim azad deyil. Fələstinin azadlığı" ifadəsini işlətdiyi üçün agentliyinin onu işdən çıxardığını və Hollivudun qara siyahısına düşdüyünü bildirib.
Gülay
