"Fənərbaxça" "Atletiko Madrid"də çıxış edən türk futbolçu Çağlar Söyüncünün mövsümün sonuna qədər icarəyə götürüldüyünü açıqlayıb.
AZXEBER.COM Türkiyə mətbuatına istinadən xəbər verir ki, türk klubundan verilən açıqlamada deyilir:
"Klubumuz müdafiəçi Çağlar Söyüncünün icarəsi üçün "Atletico Madrid" və özü ilə razılığa gəlib. Türk futbolçu 2023-24 mövsümünün sonuna qədər "Fənərbaxça" formasını geyinəcək".
27 yaşlı müdafiəçi kluba qoşulmaq üçün Türkiyəyə gəlib.
Müqavilə imzalandıqdan sonra açıqlama verən futbolçu deyib:
"Burada olduğum üçün xoşbəxt və həyəcanlıyam. Ən qısa zamanda komandaya qoşulmaq və kömək etmək üçün əlimdən gələni etmək istəyirəm. Həm klubumuz, həm də mənim üçün hədəflərim çempionluq və kuboklar qazanmaqdır. Məni bura gətirən də bu oldu. Bizim yaxşı komandamız var. Onlara qoşulmağı səbirsizliklə gözləyirəm. Bu, Super Liqada ilk təcrübəm olacaq".
Mikayıl
