Türk dünyasının sevilən sənətçilərindən biri, tanınmış müğənni Ferhad Göçer Heydər Əliyev Sarayında unudulmaz konsert proqramı ilə çıxış edib.
AZXEBER.COM xəbər verir ki, möhtəşəm gecə boyunca tamaşaçılara duyğulu musiqi ziyafəti yaşadan Göçer ən sevilən, dillərəzbərinə çevrilən hitlərini canlı-canlı səsləndirib.
Ferhad Göçer səhnəyə çıxan andan etibarən tamaşaçılarla səmimi ünsiyyət quraraq həm klassik repertuarından, həm də yeni layihələrindən mahnılar ifa edib.
Sənətçi çıxışı zamanı Azərbaycan xalqına və dövlətinə dərin təşəkkürünü bildirib:
"Bakıda olmaq, bu gözəl səhnədə sizlər üçün oxumaq mənim üçün böyük şərəfdir. Azərbaycan və Türkiyə bir millət, iki dövlətdir – bunu hər səfərimdə daha da dərindən hiss edirəm.”
