"İslahatçı Gənclər” İctimai Birliyinin sədri, Editor.az İnformasiya Portalının baş redaktoru Fərid Şahbazlı Qazaxıstanın Almatı şəhərində beynəlxalq mükafata layiq görülüb.
Fəxri Medal Fərid Şahbazlıya Qazaxıstan Respublikasının Mədəniyyət və İnformasiya Nazirliyinin dəstəyi ilə yaradılan və UNESCO-nun nəzdində fəaliyyət göstərən Mədəniyyətlərin Yaxınlaşdırılması Mərkəzinin direktor müavini Səltənət Aşimova tərəfindən təqdim edilib.
QHT sədri Azərbaycan ilə Qazaxıstan arasında gənclər siyasəti və media sahələrində əməkdaşlığın inkişafına verdiyi töhfələrə görə təltif edilib.
Qeyd edək ki, Mədəniyyətlərin Yaxınlaşdırılması Mərkəzinə Türk dünyasının görkəmli şairi və ictimai xadimi Oljas Süleymanov rəhbərlik edir.
Fərid Şahbazlı göstərilən yüksək etimada görə Mərkəzin rəhbərliyinə, xüsusilə direktor müavini, Azərbaycanın dostu Səltənət Aşimovaya təşəkkürünü bildirib. O qeyd edib ki, bu təltif Azərbaycan–Qazaxıstan dostluğunun, gənclər və media sahəsində əməkdaşlığın inkişafına verilən dəyərin göstəricisidir.
