"Formula 1” üzrə dünya çempionatında çıxış edən "McLaren” pilotu Oskar Piastri ilə yeni müqavilə bağlayıb.
Avstraliyalı sürücü komandası ilə sözləşməsinin müddətini 2026-cı ilin sonuna qədər uzadıb.
Bununla bağlı açıqlama verən "McLaren”in baş direktoru Zak Braun sevincini dilə gətirib: "Oskarla əməkdaşlığımızın 2026-cı ilin sonuna qədər davam edəcəyi üçün çox şadam. O, inanılmaz dərəcədə istedadlıdır və komanda üçün dəyərlidir. Oskar bu mövsüm dönüş yaratmağımızda böyük rol oynadı”.
Qeyd edək ki, Böyük Britaniya komandası bir müddət əvvəl digər pilotu Lando Norrislə də 2026-cı ilin sonuna qədər sözləşmə bağlayıb.
