Fransa ABŞ-ı tənqid etdiyinə görə təəssüf hissi keçirdiyini bildirib. Xatırladaq ki, bu, iki ölkə arasında diplomatik münaqişəyə səbəb olmuşdu.
AZXEBER.COM xəbər verir ki, buna səbəb Fransanın BMT-nin Cenevrədəki missiyasının iyul ayında dərc etdiyi paylaşım olub.
Paris həmin yazıda BMT-nin insan hüquqları üzrə ali komissarı Folker Türkün səlahiyyətlərinin uzadılmasının əleyhinə səs verdiyinə görə ABŞ-ı tənqid etmişdi.
Bundan sonra Amerika tərəfi Fransanın nümayəndəsinin çıxışı zamanı BMT Təhlükəsizlik Şurasının iclasını tərk etmişdi. Vaşinqton həmçinin Fransanın ABŞ-dakı yeni səfiri vəzifəsinə Aurelien Leşevalierin namizədliyini bloklamaq imkanını nəzərdən keçirirdi.
Fransa missiyası indi ABŞ-ın insan hüquqlarının müdafiəsinə sadiqliyini şübhə altına alan nəşrdən təəssüf etdiyini bəyan edib.
ABŞ Dövlət Departamenti Parisin bəyanatını alqışlayıb.
