Fransanın şimalında sinaqoqa hücum olub.
AZXEBER.COM xarici mətbuata istinadən xəbər verir ki, Fransa polisi ölkənin şimalındakı Rouen şəhərində sinaqoqu yandıran şəxsi güllələyib.
Bunu ölkənin daxili işlər naziri Cerald Darmanin X sosial media platformasında verdiyi açıqlamada deyib.
Darmanin "Ruandakı milli polis məmurları bu gün səhər tezdən şəhərdəki sinaqoqu yandırmaq istəyən silahlı şəxsi zərərsizləşdirdi. Onları həssaslıq və cəsarətlərinə görə təbrik edirəm", deyib.
Fransa mətbuatında çıxan xəbərdə hücum edənin bıçaq və dəmir çubuqla silahlandığı bildirilərkən, polis atəş açaraq kişini öldürüb.
Həmin şəxsin kimliyi ilə bağlı heç bir açıqlama verilməyib.
France 3 televiziyası yanğınsöndürənlərin hadisə yerində olduğunu bildirsə də, Rouen bələdiyyəsinin rəsmisi yanğının nəzarət altına alındığını bildirib.
Mikayıl
