Qanunun aliliyi vətəndaşlara sərbəst olaraq öz seçimini etmək imkanı verdi.
AZXEBER.COM xəbər verir ki, bu sözləri Milli Məclisin deputatı Fuad Muradov seçki kampaniyasının nəticələrini şərh edərkən bildirib.O bildirib ki, Azərbaycanda 9 oktyabrda keçirilən prezident seçkiləri beynəlxalq standartlara uyğun olaraq həyata keçirilib və bu Azərbaycanda son illər həyata keçirilən islahatların nəticəsidir.Deputat seçki hazırlığının çox yüksək səviyyədə olduğunu deyərək bütün namizədlər üçün sərbəst şərait yaradıldığını vurğulayıb:“Seçki təbliğatında heç kimə məhdudiyyət qoyulmadı. Prezidentliyə namizədlər sərbəst olaraq öz fikirlərini bildiriblər. Hətta bəzən demokratiyaya aid olmayan, təhqir elementləri olan çıxışlar da səsləndi. Buna baxmayaraq qanunun aliliyi vətəndaşlara sərbəst olaraq öz seçimini etmək imkanı verdi” - deyə, F.Muradov söyləyibVətəndaşlar seçkilərdə böyük fəallıq nümayiş etdirdiyini deyə millət vəkili, beynəlxalq müşahidə qrupunun da nəticələrdən razı olduğunu açıqlayıb:“Bu gün AŞPA ilə Avropa Parlamentinin Müşahidə Missiyasının birgə mətbuat konfransında iştirak etdik. Onlar apardıqları müşahidənin nəticələrinə görə İlham Əliyevin qalib gəldiyini bəyan etdilər. Mən də prezidenti qələbə münasibəti ilə təbrik edirəm”.
