Futbol üzrə Avrokuboklarda 2013/2014 mövsümünün başlanmasından 2 həftə ötür.
AZXEBER.COM-un məlumatına görə, UEFA Çempionlar Liqası və Avropa Liqasında 2-ci təsnifat mərhələsinin ilk oyunları geridə qalıb.
Azərbaycanı Avrokuboklarda təmsil edən 4 klub – “Neftçi”, “İnter”, “Qarabağ” və “Xəzər Lənkəran” cəmi 10 oyun keçirib. Təmsilçilərimiz bu görüşlərdə 5 qələbə, 3 heç-heçə və 2 məğlubiyyətlə üzləşiblər. Bu nəticələr Azərbaycanın klub reytinqinə 1.625 bal əlavə edib.
Son 5 mövsümün göstəricisinə görə 30-cu yerdə qərarlaşan Azərbaycan bu mövsüm yığılan xallara görə Avropada 53 ölkə arasında 4-cü ən yaxşı nəticəni göstərib. Lakin ilk 3 pillədə qərarlaşan İspaniya, Almaniya və İngiltərə klubları reytinq balını mübarizəyə qoşulmadan (UEFA-nın qaydalarına görə) əldə edib. Beləliklə, Avrokuboklarda mübarizəyə qoşulmuş klublarının reytinqinə görə Azərbaycan 1-cidir.
