"Qarabağ"ın baş məşqçisi Qurban Qurbanov Topaz Premyer Liqasının IX turunda "Neftçi"yə səfərdə 1:3 hesabıyla uduzduqları qarşılaşmadan sonra mətbuat konfransı keçirib.
AZXEBER.COM "Qafqazinfo"ya istinadən xəbər verir ki, təcrübəli mütəxəssis əvvəlcə "Bakcell Arena"dakı matçı dəyərləndirib.
- "Neftçi” və Roberto Bordini təbrik edirəm. Bunu sizin vasitənizlə edirəm. Çünki sıxlıq olduğuna həmkarıma yaxınlaşa bilmədim. Uduzduq, bu, idmandı. Belə məğlubiyyətə hazır olmalıyıq. Mən tərəfdən çox danışılacaq bir şey yoxdu. Hər bir futbolçuyla fərdi söhbətlərimiz olacaq. Futbolçuların yanında olmalıyam. Bu, borcumdu. Çünki belə çətin vəziyyətlərimiz az olmayıb. Qalib gəlmək istəyirik. Ancaq səhvlər olur və onları aradan qaldırmalıyıq. İrdalar bildiriləcək. Azarkeşləri də başa düşürəm. İstəkli komanda olaraq bu vəziyyətdən çıxmalıyıq. Qarşıdakı oyunda da daha yaxşı oyun göstərəcəyimizə inanıram.
- Nə vaxta kimi futbolçuların yanında olacasqınız? Bu, limit nə vaxta qədər olacaq? Çünki hər dəfə məsuliyyəti üzərinizə götürürsünüz...
- Limit yoxdu. Sadəcə, bir-birimizə dəstək olmalıyıq. Səhvləri kollektiv daxilində araşdırmalıyıq. Səhvləri daha yaxşı məm bilirəm. "Vorskla”yla oyundakı məğlubiyyətdən sonra futbolçularda psixoloji yorğunluq hiss olunurdu.... - Hər bir məğlubiyyyətdən sonra futbolçularda psixojoli yorğunluq olur. Ona görə heyətdə çoxlu dəyişiklik etmişdim. Həmin əsas heyətdən 3 nəfər oynayırdı. Futbolçularımız yenə də öz güclərini meydanda qoydular. Məğlubiyyətini səbbi belə axtarmaq istəməzdim. "Neftçi”dən fərlqi bizim oyuna hazırlaşmaq üçün vaxtımız az olmuşdu. Nə qədər üzücü olsa da, bəzən belə məğlubiyyətlərin komandaya faydası olur.
- Əlinizdə olan heyət çempionluğa oynamaq yetərlidi?
- Bu gün hər bir futbolçuya güvənirəm. Bu heyətlə çox gözəl naliyyətlərimiz olub. Düşünürəm ki, çempionatda o qədər problem olmaz. O mənada ki heyətdə dəyişiklər olduğundan istənilən oyunu göstərə bilmirik.
- Yakub Jezniçakın Rəşad Sadıqovun əvəzlənməsi maraqlı gəldi...
- Yakubda həddən artıq yorğunluq olsa da, təcrübəsinə böyük ehtiyacımız var. Onda ilk hisəsnin sonuna yorğunluq hiss edərək dəyişdik.
- Mirbadullah Abbasov qol vurandan sonra azarkeşlər sizə mesaj göstəri ki, onu milliyə çağırın Onu bundan sonra yığmada görə bilərik?
- Hər dəfə demişəm ki, bütün futbolçular nəzarətimdədi. Hər dəfə toplanışlarımızda yeni futbolçular var. 40 nəfərlik siyahım var ki, Mirabdullah ora daxilindədir.
