Gürcüstanda Azərbaycan və Ermənistan komandaları arasında qalmaqal baş verdi
MARAQLI
08:07 04.08.2011
1990
Onun sözlərinə görə, onlarla komandanın qatıldığı yarışa Ermənistan komandasının üzvləri üzərində “Artsax-Alko” loqotipi olan köynəklərdə qatılıblar. Azərbaycanlı iştirakçılar və yarış təşkilatçıları bu köynəkləri çıxarmağı tələb etsələr də, ermənilər “Artsax-Alko” şirkətinin komandanın sponsoru olduğu bəhanə edərək köynəyi çıxarmaqdan imtina ediblər: “Belə olan halda biz dərhal üzərinə “Эриванское ханство. Азербайджан. Since 1604” sözləri yazılmış köynəklər sifariş edib, yarışa o köynəklərdə çıxdıq”.
Balaş Qasımov bildirib ki, bu addım ermənilərin isterik reaksiyasına səbəb olub: “Onlar Azərbaycan komandası ilə oynamayacaqlarını bəyan edərək “Breyn-rinqi” tərk etdilər. Təşkilatçılar isə yarışı dayandırmalı oldu”.
Balaş Qasımov erməniləri intellektual yarışı siyasiləşdirmək cəhdində ittiham edərək onların sonda layiqli cavab aldıqlarını deyib: “Hamı, o cümlədən təşkilatçılar gördü ki, hər şey erməni iştirakçılarının siyasi təxribatı ilə başladı. Təbii ki, biz bunu cavabsız qoymadıq. Etiraf edim ki, İrəvanın tarixi keçmişi ilə bağı gediş erməniləri şoka saldı və onlar nə edəcəyini bilməyərək yarışı tərk etməli oldular”.
Qeyd edək ki, iyulun 29-31-də Batumidə Cənub Qafqaz üzrə “breyn-rinq” intellektual oyunları keçirilib. Yarış Gürcüstan tərəfinin təşkilatçılığı ilə baş tutub. Ermənistan komandasının yarışmaya üzərində “Artsax-Alko” sözləri yazılmış köynəklərlə çıxması səbəbindən yarış yarımçıq qalıb.
OXŞAR XƏBƏRLƏR
ƏN SON XƏBƏRLƏR
