Yeni Azərbaycan Partiyası Gəncə şəhər Təşkilatı Gənclər Birliyinin, “Aura Park” Alış-veriş və Əyləncə Mərkəzinin təşkilatçılığı, “Odlar Yurdu” Gənclər İctimai Birliyinin, Gəncə Regional Debat Mərkəzinin və Gəncə Dövlət Universitetinin əməkdaşlığı ilə həyata keçirilən “Gəncə Dövlət Universiteti Gənclər Debat Forumu – Payız 2013” uğurla başa çatıb. AZXEBER.COM xəbər verir ki, “Azərbaycanda könüllülük fəaliyyəti özünü doğruldur” mövzusunda həyata keçirilən forum 30 dekabr – 2 noyabr tarixlərini əhatə etdi. 2 gün davam edən forumun sonunda qalib, finalçı komandalara və o cümlədən bütün iştirakçılara şəhadətnamələr təqdim olundu. Məlumat üçün bildirək ki, 16-24 noyabr tarixində baş tutan foruma hazırlıq məqsədi ilə keçirilən “Debat nədir? ” adlı təlimlərdə Gəncə Dövlət Universitetindən 85 nəfər gənc iştirak etmiş, onlardan 33 nəfər gənc isə forumda iştirak etmək hüququ qazanmışdır. Qeyd edək ki, Gəncə Dövlət Universitetində “Debat Klubu” Gəncə Regional Debat Mərkəzi tərəfindən 5 aprel 2013-cü ildə yaradılıb və hal-hazırda klubun rəhbəri Eltac Quliyevdir.