Gənclər və idman nazirinin iki müavini işdən çıxarıldı - Yerlərinə yeni təyinat oldu

SİYASƏT
17:26 29.11.2021
1436

Azərbaycanın gənclər və idman nazirinin iki müavini işdən çıxarılıb.

AZXEBER.COM xəbər verir ki, bununla bağlı noyabrın 29-da Prezident İlham Əliyev sərəncam imzalayıb.

Sərəncama əsasən, İntiqam Vaqif oğlu Babayev və İsmayıl Sultan oğlu İsmayılov gənclər və idman nazirinin müavini vəzifəsindən azad ediliblər.

Dövlət başçısının digər sərəncamları ilə İndira Niyazi qızı Hacıyeva və Mariana Toteva Vasileva gənclər və idman nazirinin müavini təyin olunublar.

Qeyd edək ki, M.Vasileva əslən bolqarıstandandır. O, Azərbaycan Gimnastika Federasiyasının İcrayə Komitəsinin üzvüdür.

OXŞAR XƏBƏRLƏR