"Kim mənim mahnılarımı oxuyursa, oxusun. Gənclərə dəstək olmaq lazımdır".
AZXEBER.COM xəbər verir ki, bu sözləri Xalq artisti Niyaməddin Musayev "Gün ortası" verilişində deyib.
Xalq artist gənclərin onun repertuarına mürəciət etmələrini alqışlayıb:
"Gənclərə dəstək olmaq lazımdır. Mənim mahnılarımı oxuyurlarsa, oxusunlar. Hər birinin özünə məxsus tərzləri var. İnşallah daha da püxtələşərlər. Bundan gözəl nə var ki? Mən o qədər gözəl mahnılar yazmışam, oxumuşam ki, indi də hər biri aktualdır. Əhməd Mustafayevi də, Nuranı da təbrik edirəm. Mənim mahnımı oxuduqları üçün təşəkkür edirəm onlara".
Xatırladaq ki, gənc müğənnilər Əhməd Mustafayev və Nuran eyni gündə Niyaməddin Miusayevin repertuarından "Neynim" mahnısını yeni tərzdə təqdim ediblər.
Aysel
