8 Sentyabr tarixində Azərbaycan Respublikasının Gənclər və İdman Nazirliyi, Azərbaycan Gənclər Fondu, Gəncə şəhər İcra Hakimiyyəti, “Gənclərin Dostluq Şəbəkəsi” İctimai Birliyi və “İrəli” İctimai Birliyininin birgə təşkilatçılığı ilə 7-11 sentyabr tarixləri arası “2012-ci il Azərbaycan Gənclər Paytaxtı” olan Gəncə şəhəri Ramada Hoteldə Azərbaycan Gənclərinin I Liderlik Forumunun ilk paneli baş tutub.
AZXEBER.COM-un məlumatına görə, “Gənclər üçün yeni imkanlar” mövzusunda keçirilən panelin qonağı Azərbaycan Respublikasının Gənclər və İdman Nazirliyi yanında Gənclər Fondunun Layihələr və regionlarla iş sektorunun müdiri Vaqif Seyidbəyov olub.
Tədbirdə ilk olaraq çıxış edən “İrəli” İctimai Birliyinin sədri Rauf Mərdiyev hər kəsi salamlayaraq, forum iştirakçılarına uğurlar arzu edib. Tədbirin mahiyyətindən, dövlət gənclər siyasətinin gənclər qarşısında yaratdığı geniş imkanlardan söz açıb.
Daha sonra Azərbaycan Respublikasının Gənclər və İdman Nazirliyi yanında Gənclər Fondunun Layihələr və regionlarla iş sektorunun müdiri Vaqif Seyidbəyov çıxış edib. Sektor müdiri fond və onun gördüyü işlər haqqında iştirakçılara məlumat verib. Çıxışında Fondun fəaliyyət göstərdiyi 5 Kateqoriya haqqında danışıb. Qeyd edib ki, fond gənclərdən yeni təşəbbüslər gözləyir və dövlət tərəfindən gənclər üçün yaradılmış imkanlardan maksimim faydalanmağı tövsiyyə edib.
Daha sonra gəncləri maraqlandıran suallar cavablandırılıb və görüş qarşılıqlı diskussiya şəklində davam edib.
Ozal İbrahimli
