Bu haqda AZXEBER.COM-a Mikayıl Məmmədov adlı vətəndaş məlumat verib.
Onun dediyinə görə, alış-veriş mərkəzində yerləşən "Pakdad" restoranında yalançı reklam yerləşdirilib və bu yolla restoran vətəndaşları özünə cəlb edir.
Restoranın reklam menyusunda dönərlə coca-colanın fotosu yerləşədirilib və vahid qiymət göstərilib, bunu görüb aldanan vətəndaşlar kassaya yaxınlaşanda sürprizlə qarşılaşır: "Mən uzaqdan reklam menyusunu görüb, "Pakdad"a yaxınlaşdım və həmin menyunu seçdim. Ancaq kassaya yaxınlaşanda mənə dedilər ki, o sadəcə reklamdır və coca-colanın qiyməti menyuya daxil deyil. "Bəs siz niyə bizi belə aldadırsız" sualıma isə xoşunuz gəlmirsə, almayın, biz sizi məcbur etmirik cavabını verdilər."
Vətəndaş eyni zamanda bu restoranda xidmətin də çox zəif olduğunu və işçilərin öz aralarında zarafat etdiklərini və xidmət zamanı telefonla oynadıqlarını deyib. Gənclik Mall-da yerləşən "Pakdad"ın yalançı reklam kampaniyasını əks etdirən fotoları təqdim edirik:
