Ötən gün “PAK DAD şirkətlər qrupu”nun “Gənclik Mall”da fəaliyyət göstərən restoranından müştəri narazılığı ilə bağlı məlumat vermişdik.
Müştəri restoranın reklam menyusunda dönərlə “coca-cola”nın fotosu yerləşədirilsə də, kassada içkinin ödənişinin ayrıca hesablandığını qeyd edirdi.
Şirkətin ictimaiyyətlə əlaqələr xidmətindən məsələ ilə bağlı AZXEBER.COM-a münasibət bildirilib. Şirkət “The Coca-Cola company” ilə əməkdaşlığı nəticəsində hazırlanmış menyu lövhələrinin müştərilər tərəfindən yanlış anlaşıldığını bildirib:
“PAK DAD hər hansı kampaniya menyuları hazırladıqda menyuya daxil olan yemək və içkilər arasında “plyus” işarəsi qoyur. Bu lövhələr isə, sadəcə, tərəfdaşımız olan şirkətin bizim menyu ilə hansı içkisini tövsiyə etdiyimizi göstərir”.
Qeyd edək ki, PAK DAD 2008-ci ildən Azərbaycan horeka sektorundadır. Şirkətin 4 fast-food restoranı var. Şirkət fəaliyyət göstərdiyi müddətdə müştərilərinə təmiz və keyfiyyətli məhsulları sərfəli qiymətlərlə və yüksək xidmətlə təklif etməyi özünə yol seçib. Gənclik Mall-da PAK DAD restoranı bu ilin aprelində açılıb.
