İsrailin Fələstində, Livanda və Suriyada etdiyi müharibələr baha başa gəlib.
AZXEBER.COM xarici KİV-ə istinadən xəbər verir ki, bu barədə ABŞ-nin nüfuzlu "Bloomberg" mətbuat orqanı məlumat dərc edib.
Nəşrin İsrail Vergilər İdarəsinə istinadən verdiyi xəbərə görə, İsrailə son raket hücumu nəticəsində dəymiş maddi zərərin 40-53 milyon dollar arasında olduğu təxmin edilir.
Genişmiqyaslı Tel Nof və Nevatim Hərbi Hava Qüvvələri bazalarına dəyən zərərlər hesablamalara daxil edilməsə də, bu, müharibənin başlanğıcından bəri ən bahalı hesab kimi qeydə alınıb.
İranın oktyabrın 1-də İsrailə qarşı hücumlara başlamasından bu yana iki həftə ərzində təxminən 2500 mənzilin müraciət etdiyi bildirilib. Bunların yarısından çoxunun Təl-Əvivin şimalında yerləşən yaşayış binalarına və müxtəlif müəssisələrə dəyən ziyanla bağlı olduğu açıqlanıb.
İsrail Vergi İdarəsi 7 oktyabr 2023-cü ildən bəri zədələnmiş əmlaklara görə təqribən 400 milyard dollar təzminat ödədiyini açıqlayıb. Əsasən İsrailin şimalında hələ iddia edilməyən zərərlər də daxil olmaqla, təxminən 266 milyard dollar daha ödənilməsi gözlənilir.
İsrailin Qəzzada müharibəsi başladığı zaman keçən il təxminən 60 min israilli şimal bölgəsindəki evlərini tərk edib və Hizbullah HƏMAS-a dəstək olaraq sərhədyanı hücumlarını gücləndirib.
İşğalçı İsrailin İranın ballistik raket hücumuna və Hizbullahın İsrail əsgərlərini hədəf almasına cavab verəcəyi gözlənilir.
Mikayıl
