İnternet axtarış sektorunda monopoliyaya sahib olan Google-un ABŞ-dəki istifadə məlumatları açıqlanıb.
AZXEBER.COM xarici mediaya istinadən xəbər verir ki, bu barədə veb brauzer fəaliyyətini ölçən Datos panelinin köməyi ilə hazırlanan hesabatda bildirilib.
Hesabata görə, ABŞ-də aktiv internet istifadəçilərinin təxminən 3-də 1-i Google-dan çox istifadə etmir. Bu istifadəçilər ayda maksimum 20 axtarış edir.
36 faiz 20 ilə 100 arası axtarış edərkən, 34 faiz 100-dən çox axtarış üçün Google-dan istifadə edir.
ABŞ-də adambaşına düşən unikal Google axtarışlarının orta sayı ayda 126-dır.
2024-cü ilin məlumatları əsasında hazırlanan hesabatda bildirilib ki, dünyada 5,35 milyard insan hər ay aktiv axtarışlar edir. Fişkinin hesabatına görə, Google-da illik axtarışların sayı 5,9 trilyondur. Google bu rəqəmin 5 trilyondan çox olduğunu açıqlayıb.
Google axtarışlarının 86,94 faizi standart olaraq veb brauzerdə açılan Google.com vasitəsilə edilir. 11 faiz Google Image Search, 0,64 faiz Google Maps, 0,38 faiz Google News, 0,23 faiz isə Google Shopping-dəndir.
Oksana
