Goranboyda zəhərlənmə hadisəsi olub.
"Report"un Qərb Mərkəzinin məlumatına görə, hadisə Veyisli kəndində baş verib.
Kənd sakini, 2004-cü il təvəllüdlü A.İsmayılova yaşadığı evdə dəm qazından zəhərlənib. O, ağır vəziyyətdə yaxınları tərəfindən xəstəxanaya aparılıb. A.İsmayılovaya həkimlər tərəfindən tibbi yardım göstərilib, vəziyyəti qənaətbəxşdir.
Faktla bağlı araşdırmalara başlanılıb.
