Günəş şüalarına qısa müddət ərzində məruz qalmaq orqanizmdə D vitamini istehsalını artırır ki, bu da insanın psixoloji vəziyyətinə müsbət təsir göstərə bilər.
AZXEBER.COM xəbər verir ki, mütəxəssislərin bildirdiyinə görə, D vitamini çatışmazlığı xüsusilə əhval-ruhiyyənin düşməsi, yorğunluq və depressiya əlamətlərinin güclənməsi ilə əlaqələndirilir.
Araşdırmalar göstərir ki, gündəlik 10–20 dəqiqəlik günəşə çıxmaq beynin serotonin səviyyəsinin tənzimlənməsinə kömək edir və bu da ümumi əhval-ruhiyyənin yaxşılaşmasına şərait yaradır. Həkimlər qeyd edirlər ki, xüsusilə gün işığının az olduğu qış aylarında bu vərdiş daha da önəmli olur.
Eyni zamanda, qısa müddətli günəş vannası qəbul etmək stress səviyyəsinin azalmasına və yuxu rejiminin daha stabil olmasına da təsir göstərə bilər. Mütəxəssislər vurğulayırlar ki, bu üsul depressiyanın müalicəsi deyil, lakin psixoloji sağlamlığın qorunmasında dəstəkləyici rol oynayan sadə və effektiv vərdişlərdən biridir.
Şahanə
